Seks førevar-råd

Du kan ikkje rekne med å få serleg aksept for påstanden om at oljen vil ta slutt om 15 – 20 år og at det vil føre Norge ut i krise og kaos. Derfor er det liten grunn til å bli emissær og upopulær med stempel som pessimist. Men du kan informere dei få som forstår skrifta på veggen og tenkje optimistisk og konstruktivt saman med dei:

• saml likesinna
• driv mental styrkebygging
• saml hjelpemiddel, serleg manuelle
• lær "survival"
• tenk vern mot angrep
• krymp energiforbruket

Bry deg ikkje om å "slenge med leppa". (Fortel ikkje kven som helst om denne bloggen.) La din innsikt og di planlegging skape styrke og optimisme. 
 

Frys ut late og/eller grådige stammemedlemer

I framtidas livbåt kjem humanisme og liberalisme under sterkt press. Sosiale tiltak vert knytta til eigen stamme. Men også i eigen stamme må det kjempast for oppslutning og innsats om felles tiltak.

Solidaritet og stammekjensle vil bli grunnlaget for støttetiltak og hjelp til dei svake. Retten kan aldri bli større enn plikta. Derfor må stammereglane innehalde mottiltak mot late og/eller grådige stammemedlemer.

I Stammelova kjem dette til uttrykk i den positive regelen:

Stammen skal hjelpe dei som gjer sitt beste og nøyer seg med det nødvendige.

Konsekvensen er at stammen ikkje bør vere snill mot dei som ikkje gjer sitt beste (dei late) og heller ikkje mot dei som er grådige og tek for seg på andre sin kostnad.

I ei verd med avgrensa ressursar vil storparten av Røkke sin rikdom og av Fredriksen si formue være henta frå fellesarven. Det er nemleg rimeleg energi som kløktige folk har makta å skape mekaniske trælar av, som har skapt storparten av det overskotet som har gjort mange rike.

Når oljen tek slutt vert vi nødt til å fryse ut late og/eller grådige stammemedlemer.

Fred på jord – OCPC/OLPC

Krig er som regel ein kamp om areal og ressursar. Med 6,5 milliardar munnar som alle vil ha høg levestandard, går vi snart (2020 – 2030) mot ei krise.  I den vert folketalet gradvis pressa ned på eit nivå som er tilpassa matproduksjonen. Utan tilgong på olje vil den bli dramatisk redusert. I dag lever vi av oljen.

Dessuten krev fred at skilnaden mellom rik og fattig vert mindre og at alle får høve til å delta i samfunnsliv og arbeid.

Det eksisterar derfor eit verdsscenario som kan gje fred. Det kan formulerast som ein kryptisk fredsformel: OCPC/OLPC.

OCPC tyder "one child per couple". Dette er den einaste humane måten å få ned folketalet og dermed ressursbruken på, slik at jorda har plass og mat til oss.

OLPC tyder "one laptop per child". Den einaste praktiske måten å skape egalitære tilhøve, folkeopplysning og yrkesopplæring for alle på, er å gje alle born i verda ei datamaskin med internettilkobling. Då får alle høve til å lære, utvikle seg og ta del i demokratiet og samfunnslivet.  

Slik folkemeininga og politikken i mange land er, er dessverre begge desse tiltaka urealistiske.

Legane si utfordring

Etterkvart som den tragiske klemma mellom befolkningsveksten og energikrisa festar grepet om fleire og fleire samfunn, vil legane få ei utfordring. Det blir gradvis meir sjukdom enn helsestell. Alt no er det køar og grupper som ikkje får hjelp, til og med i rike Norge.

Når krisa slår til, må sorteringa bli dramatisk. Den kan kome til å skje etter "triage-prinsippet":

• Dei sterkaste får hjelpe seg sjøl
• Dei svakaste får døy
• Dei i midten får hjelp så langt hjelpa rekk og/eller dei kan betale for seg.

Dette vert altså eit sorteringssamfunn, med legane som dørvakt. Det vil dessutan gje legane høve til å tenkje:

• Kven vil kunne vere til størst nytte i ei krise?
• Kva for grupper treng det oljelause samfunnet mest?
• Kven har gjort seg fortent gjennom verdifull innsats?
• Kven bør straffast for svik?
• Kven har skuld i si eiga plage?

Dette scenariet er skræmande, og få legar tenkjer på det. Det bør dei gjere!

Her kan du lese om hjelpeetikk.

Ver på vakt mot den hemmelege makt

Ei ny bok er komen ut i mars 2006: Makten bak makten av Per-Aslak Ertresvåg. Den fortel om hemmelege maktstrukturar med verdsherredøme som mål. Du finn den i bokhandelen, for eksempel hos Haugen Bok.

Ertresvåg fortel om grupper som manipulerar og styrer utan at det er kjent. Det er grunn til å tru at desse maktgruppene også veit, at når oljen tek slutt, vil mange måtte døy. (Dei som har gode nervar bør lese om Eric R. Pianka og hans forslag om å la to av tre menneske på jorda døy for at resten skal kunne overleve.).

I Ertresvåg si bok vil du finne  tips om kven du bør ha i kikkerten som potensiell fiende.

PS Ikkje fortel nokon om det Ertresvåg og Pianka skriv.